အေးဂျင့်တွေရဲ့ မလိမ့်တပတ်လုပ်ရပ်တွေကြောင့် ဂျာကလယ်လိုက်နေကြတဲ့ မြန်မာတွေကို အဆင်ပြေစေချင်တဲ့ဆန္ဒနဲ့ပါ။ သက်ဆိုင်ရာ ဘလော့ဂါများ နားလည်ပေးမယ်လို့ ယူဆပါတယ်ခင်ဗျာ။
စင်္ကာပူနှင့်အလုပ်အကိုင်အခွင့်အလမ်း
ဒီစာကို ရေးချင်နေတာ ကြာပါပြီ။ ရေးမယ် ရေးမယ်နဲ့ မစဖြစ်မစဖြစ် တော်တော် တောင်ကြာသွားတယ်။ ပြီးတော့ ဖတ်မိတဲ့ သူတွေက တော်တော် ဆရာကြီးလုပ်လှချည်လား ထင်မှာလည်း စိုးတာပါပေသပေါ့။ ဒီစာရဲ့ အဓိက ရည်ရွယ်ချက်က လက်ရှိ ဒီကို လာဖို့ ကြိုးစားနေတဲ့သူတွေ ကျွန်တော်တို့တုံးကလို အလိမ်မခံရစေဖို့ ရည်ရွယ်ပါတယ်။ ရေးထားတဲ့ အကြောင်းအရာတွေဟာ လက်ရှိ ဒီမှာ ရောက်ရှိနေပြီးသားသူတွေ အတွက်တော့ သိပြီးသားတွေပါကွာလို့ ဖြစ်ကောင်းဖြစ်နေပါလိမ့်မယ်။ သို့ပေမဲ့ မရောက်သေးတဲ့ သူတွေအတွက်တော့ အကျိုးတစုံတရာရှိလိမ့်မယ်လို့ ယုံကြည်ပါတယ်။
စင်္ကာပူမှာ ဗမာတွေ အလုပ်လာလုပ်တာ အခုမှ မဟုတ်ပါဘူး။ ကျွန်တော်တို့ မမွေးခင်ကတည်းက လာရောက်အလုပ်လုပ်နေကြတာ ဖြစ်တယ်။ ဒီကိုရောက်ပြီး အထူးသဖြင့် ပင်နီဆူလား ပလာဇာကို သွားကြည့်လိုက်။ မြန်မာတွေ တပုံမှ တပုံတပင်။ ရောက်ပြီး ဒီမှာ အချိန် အတိုင်းအတာ တစ်ခုအထိ အလုပ်လုပ်ပြီး ပြန်သွားခဲ့တဲ့သူတွေလည်း အများကြီး။ ဒီလိုများနေသည့်တိုင်အောင် မြန်မာပြည်ဘက်ကနေ စင်္ကာပူကို လာဖို့ခရီးစဉ်ဟာ မရောက်ဖူးသေးသူအဖို့ ပဟေဠိဆန်နေတုံး။
ဒီလိုပဟေဠိဆန်လေလေ အေးဂျင့်တွေက ရိုက်လို့ ကောင်းလေလေပဲ။ အခုနေ ဆိပ်ကမ်းသာ လမ်းတ၀ိုက်က အေးဂျင့်တွေကို သွားမေးကြည့်လိုက်။ ပြောပြပါလိမ့်မယ်။ စင်္ကာပူသွား အလုပ်လုပ်တဲ့ ခရီးကို နတ်ပြည်တက်ရတဲ့ ခရီးလိုလို ထင်ရအောင် ပြောပြပါလိမ့်မယ်။ ဒါတွေက ကျွန်တော်တို့ ကိုယ်တိုင် ကြုံခဲ့ရတဲ့ ကိစ္စတွေ ဖြစ်တဲ့ အတွက် အတော်ကို ခိုင်ခိုင်မာမာ ပြောရဲတာပါ။ သူတို့ စီးပွားရေးလုပ်တာ။ မှန်ပါတယ်။ လုပ်ပါစီးပွားရေး။ မှန်မှန်ကန်ကန် ၀န်ဆောင်မှုပေးပြီး မှန်မှန်ကန်ကန် ထိုက်သင့်လျောက်ပတ်တဲ့ ၀န်ဆောင်ခယူပါ။ အခုတော့ ၀န်ဆောင်ခကို တနင့်တပိုးယူတယ်။ ပေးလိုက်တဲ့ ၀န်ဆောင်မှု။ ၁၀၀ မှာ ၇၅ ယောက် အဆင်မပြေပါဘူး။ ဘာလဲ ဒီဝန်ဆောင်မှု။
အခုခေတ်ကာလက တော်တော်လေးကို ပွင့်လင်းနေပါပြီ။ လိမ်ညာတဲ့လူကို ထားပါ။ လိမ်ညာခံရဖို့ မသင့်တော့ပါဘူး။ ဘာလို့လည်းဆိုတော့ ကျွန်တော်ကိုယ်တိုင်ကိုပဲ အလိမ်ခံခဲ့ရတဲ့ စာရင်းထဲ ပါခဲ့ဖူးလို့ပါ။
ကျွန်တော့် ဇာတ်လမ်းလေး နည်းနည်းပြောပြပါရစေ။ ဘာလို့လည်းဆိုတော့ ဒီဇာတ်လမ်းနဲ့ ခပ်ဆင်ဆင်ချည်းပဲ အလိမ်ခံခဲ့ရ၊ အလိမ်ခံနေရဆဲ၊ အလိမ်ခံရဦးမဲ့သူတွေ အများကြီးဖြစ်နေလို့ပါပဲ။
စစချင်း ခင်မင်ရင်းနှီးတဲ့သူတစ်ယောက်ကပြောမယ်။ ဒီလိုဒီလို စင်္ကာပူမှာ အလုပ်ရမယ့် အခွင့်အလမ်းရှိတယ်။ ကိုယ်ကိုတိုင်ကလည်း စင်္ကာပူကို သွားအလုပ်လုပ်ချင်နေတဲ့သူဆိုတဲ့ခါကျတော့ အေးဟုတ်လား ဆိုပြီး၊ ကဲ သွားတွေ့ကြည့်မယ်ဆိုပြီးတော့ကာ သွားရောက်ဆက်သွယ်ပါတယ်။ ဆိုတော့ အေးဂျင့်လုပ်တဲ့သူက ဒါဆို မင်း စာရွက်စာတမ်းတွေ လာပေးထားနှင့်ဆိုတာနဲ့ ၀မ်းသာအားရသွားပေးထားမယ်။ အဲဒီပေးတဲ့ အချိန်မှာတော့ ကြွေလောက်အောင်ပြောပြပါလိမ့်မယ်။ စင်္ကာပူရောက်ရင် ဘာလုပ်ရမှာ၊ ညာလုပ်ရမှာ ဆိုပြီးတော့။ နောက် တစ်ပတ်တန်သည် နှစ်ပတ်တန်သည်ကြာတဲ့ အချိန်မှာ အင်တာဗျုးရှိတယ်ဆိုပြီး ခေါ်ပါလိမ့်မယ်။ အဲဒီအချိန်မှာ မင်း တို့အတွက် ခရီးသွားဖို့လာဖို့ လိုတဲ့အခါ သုံးရမယ်ဆိုပြီး သကာလ ပတ်စပို့ကို ရအောင်တောင်းသွားပါလိမ့်မယ်။ ပတ်စပို့ ရပြီးသွားတဲ့ အခါ။ တစ်ရက်ရက်မှာ တစ်နေရာရာမှာ နိုင်ငံခြားသားတစ်ယောက်ယောက်နဲ့တွေပြီး အင်တာဗျုးဆိုပြီး လုပ်ပေးပါလိမ့်မယ်။ ပြီးတဲ့ခါကျတောက ဗီဇာလျှောက်ဖို့ အတွက်ဆိုပြီး ငွေ သိန်းဂဏန်း တချို့ တောင်းပါလိမ့်မယ်။ ကိုယ်က မသေချာလို့ဆိုပြီး အဲဒီငွေကို မပေးခဲ့ဘူးဆိုရင် ယူထားတဲ့ ပတ်စပို့ကို ပြန်မပေးတော့ပါဘူး။ ပြီးတာ့ သကာလ ပတ်စပို့ကို လျှောက်ထားရ မည်မျှ ခက်ကြောင်း၊ မည်မျှကုန်ကျကြောင်း ပြောပြပါလိမ့်မယ်။ သူတို့ပြောချင်တာက သူတို့ဆီက ပတ်စပို့ကို သူတို့တောင်းတဲ့ ငွေ ပမာဏပေးပြီး ရွေးယူရုံကလွဲပြီး တခြားနည်းလမ်းမရှိကြောင်း ပြောချင်ခြင်းသာဖြစ်ပါတယ်။
အေးဂျင့်တွေအားလုံးပဲ အဆင်မပြေဘူးလား။ ဒါမေးစရာရှိပါတယ်။ တချို့အေးဂျင့်နဲ့လာပြီး အလုပ်လုပ်နေရတဲ့သူတစ်ချို့ ရှိပါတယ်။ ကျွန်တော်တို့ အမြင်တော့ တစ်ခုမဟုတ် တစ်ခု အဆင် မပြေတာတွေရှိတယ်ဗျာ။ တချို့က မြန်မာပြည်မှာကတည်းက အဆင်မပြေဘူး။ တချို့က မြန်မာပြည်က ထွက်ခဲ့ရပါတယ်။ ဒီကိုရောက်တော့ ရန်ကုန်မှာ ပြောတဲ့ အလုပ်မဟုတ်ဘူး။ ရန်ကုန်မှာပြောခဲ့တဲ့ ခံစား ခွင့်တွေမရဘူး။ ခံစားခွင့်တွေတော့ရပါရဲ့ စာချုပ်သက်တမ်းစေ့သည်အထိ နေခွင့်မရဘဲ အကြောင်းအမျိုးမျိုးပြ ပြန်ပို့ခံရတာမျိုး။ နောက်ဆုံး တစ်နှစ် အလုပ်လုပ်ပြီးသွားလို့ နောက်နှစ်တွေ သက်တမ်းတိုးတဲ့ခါ အဆင်မပြေအောင် တနည်းတဖုံ ၀င်ရောက်စွက်ဖက်တာမျိုးတွေ မရိုးရအောင်ကြုံရပါတယ်။ ဒါတွေဟာ ကျွန်တော်တို့ ကြားဖူးကြုံဖူးတဲ့ ညီအစ်ကိုတော်များရဲ့ စင်္ကာပူသွား ခရီးသွားများရဲ့ ပြသနာအဖုံဖုံပဲ ဖြစ်ကြပါတယ်။
ကဲ ဒီလိုဆိုတော့ အေးဂျင့်မှ အားမကိုးရင် စင်္ကာပူ ဘယ်လိုလုပ်သွားမလဲ။ တခြားနည်းလမ်းမှ မရှိတော့ဘူးလား။
နံပါတ် (၁) သင့်မှာ ပညာရပ်တစ်ခုခုအတွက် ကျွမ်းကျင်မှု အထိုက်အလျောက်ရှိရပါမယ်။ လွယ်လွယ်ပြောရရင် လုပ်ငန်းအတွေ့ အကြုံ အထိုက်အလျောက်ရှိရမယ်လို့ဆိုပါမယ်။
နံပါတ်(၂) မည်သည့် ၀ိဇ္ဇာသိပ္ပံပညာရပ်မဆို၊ ဘွဲ့ဒီဂရီတစ်ခုခု ရှိရပါမယ်။ ဘွဲ့ဆိုတော့ တချို့ မေးတတ်ပါတယ်။ အဝေးသင်ရောရလား ဆိုတာမျိုး။ အဝေးပဲသင်သင်၊ အနီးပဲသင်သင် ဘွဲ့တစ်ခုပါရပါမယ်။
နံပါတ်(၃) အင်္ဂလိပ်စကား ကျွမ်းကျင်မှု အထိုက်အသင့်ရှိရပါမယ်။ သူပြောတာကိုယ်နားလည်ရပါမယ်။ သူနားလည်အောင် ကိုယ်ပြန်ပြောနိုင်ရပါမယ်။
အဓိက လိုအပ်ချက်တစ်ခုက မိမိကိုယ်ကို ယုံကြည်မှု ရှိရပါမယ်။
ဒီလောက်ဆို စင်္ကာပူမှာ အလုပ်လုပ်လို့ ရပါပြီ။
ဒီကိုလာဖို့လုပ်နေတဲ့သူတွေ အများဆုံးမေးတတ်တဲ့ မေးခွန်းတစ်ခုရှိပါတယ်။ စင်္ကာပူမှာ ဘယ်လို အလုပ် အကိုင်မျိုးပေါလဲ ဆိုတဲ့မေးခွန်း။ ကျွန်တော်တို့ ကိုယ်တိုင်သည်လည်း အရမ်းသိချင်ခဲ့တဲ့ မေးခွန်းပါ။ အမှန်က ဘယ်လို အလုပ်အကိုင်မျိုးပေါလဲထက် မိမိ ဘယ်လို အလုပ်အကိုင်မျိုး ကျွမ်းကျင်သလဲက ပို အရေးကြီးပါတယ်။ အလုပ်အကိုင်နဲ့ ပတ်သက်ပြီးတော့ စင်္ကာပူရဲ့ အလုပ်အကိုင် အခွင့်အလမ်းနဲ့ ပတ်သက်ပြီး ဒီအင်တာနက် စာမျက်နှာများပေါ်မှာ သွားရောက်ဖတ်ရှုပါ။
www.jobsdb.com.sg www.jobstreet.com.sg www.st701.com
ကဲ ဟုတ်ပြီ။ အဲဒီ အင်တာနက် စာမျက်နှာတွေတော့ ဖတ်ပြီးပါပြီ။ စင်္ကာပူကို ရောက်ပြီလား။ မရောက်သေးပါဘူး။ ဘာတွေ ထပ်လုပ်ဖို့လိုမလဲ။ စစချင်း သက်တမ်း အနည်းဆုံး ၂နှစ်နဲ့ အထက်ရှိတဲ့ ပတ်စပို့ စာအုပ်ရှိရပါမယ်။ သက်တမ်း ၂နှစ်နဲ့ အထက်လို့ ဆိုရခြင်းက ဒီကိုရောက်လို့ အလုပ်လျှောက်ပြီးလို့ အလုပ်လုပ်ခွင့် ပါမစ်တင်တဲ့ အခါ ဒီက အလုပ်သမား ၀န်ကြီးဌာနက အနည်းဆုံး သက်တမ်း ၁ နှစ်ရှိတဲ့ အလုပ်လုပ်ခွင့် လက်မှတ် ထုတ်ပေးရမှာ ဖြစ်တဲ့ အတွက်ပါပဲ။
နောက်တစ်ချက်က ဗီဇာ။ ဗီဇာရနိုင်တဲ့ နည်းလမ်း ၂ နည်းရှိပါတယ်။ ပထမတစ်နည်းက စင်္ကာပူမှာ PR (Permanent Residence) ဒါမှမဟုတ် နိုင်ငံသားဖြစ်နေပြီးသားသူတစ်ဦးဦးရဲ့ ဖိတ်ခေါ်စာ ရှိရပါမယ်။ အဲဒီ ဖိတ်ခေါ်စာကို ပြပြီး မြန်မာနိုင်ငံမှာရှိတဲ့ စင်္ကာပူသံရုံးမှာ ဗီဇာလျှောက်နိုင်ပါတယ်။ အနည်းဆုံး တစ်လ (သို့) ၃ လသက်တမ်းရှိတဲ့ ဗီဇာ ထုတ်ပေးပါလိမ့်မယ်။ တစ်ခုအမှတ်မမှားစေလိုတာက အဲဒီဗီဇာ သက်တမ်း ၁ လ၊ ၃လ ဆိုတာသည် ဗီဇာရဲ့ သက်တမ်းသာဖြစ်ပြီး စင်္ကာပူမှာ နေထိုင်ခွင့် (Stay) မဟုတ်ကြောင်းပါ။
အဲဒီဗီဇာကို ကိုင်ပြီး စင်္ကာပူကို လာလို့ ရပါတယ်။
နောက်တစ်နည်းက အဲဒီ ဖိတ်ခေါ်စာမရရှိနိုင်တဲ့ အခြေအနေမျိုးဆိုရင် စင်္ကာပူ သံရုံးမှာ အပေါင်ငွေ (Deposit) ထားပြီး လျှောက်တဲ့နည်းပါ။ အပေါင်ငွေကတော့ အဲဒီ ဗီဇာသက်တမ်း မကုန်ခင်အချိန်အတွင်း မြန်မာနိုင်ငံကို ပြန်လာပါ့မယ်ဆိုတဲ့ သဘောပါပဲ။ တကယ်လို့ အလုပ်ရသွားလို့ အဲဒီဗီဇာသက်တမ်း အတွင်း ပြန်မလာဖြစ်ခဲ့ရင် အပေါင်ငွေ ဆုံးပါတယ်။
ဒီနှစ်နည်းနဲ့ စင်္ကာပူကိုလာခွင့် ဗီဇာ ရယူနိုင်ပါတယ်။ စင်္ကာပူမှာ အလုပ်လုပ်ခွင့် ရရှိရေးအတွက် အစိုးရအသိအမှတ်ပြု အလုပ်လုပ်ခွင့်လက်မှတ်တွေ အကြောင်းကိုက ဒီလိပ်စာတွေမှာ သွားရောက်ဖတ်ရှုပါ။
http://www.mom.gov.sg/publish/momportal/en/communities/work_pass.html
အေးဂျင့်တွေ အရူးချေးပန်းလျှောက်ပြောတာကို အဟုတ်မှတ် နားယောင်နေတာထက်စာရင် ဒီအင်တာနက် စာမျက်နှာတွေက သတင်းအချက်အလက် အပြည့်အစုံပေးနိုင်ပါတယ်။
ကဲ... ဗီဇာရပြီ ဆိုပါတော့။ ဘာဆက်လုပ်မလဲ။ စင်္ကာပူမှာ ရှိတဲ့ သူငယ်ချင်း ဒါမှ မဟုတ် အသိမိတ်ဆွေ တစ်ယောက်ယောက်ကို ဆက်သွယ်ပါ။ စင်္ကာပူကို ရောက်ရောက်ချင်းမှာ ခေတ္တနေထိုင်နိုင်ရေး စီစဉ်ပေးနိုင်ဖို့ပေါ့။ ပြီးရင် လေယာဉ်လက်မှတ်ကို တနင်္ဂနွေလို ရက်မျိုးရွေး ၀ယ်ပါ။ တနင်္ဂနွေရွေးဝယ်ရခြင်းကတော့ စင်္ကာပူရောက် မြန်မာ အများစုဟာ တနင်္ဂနွေမှလွဲပြီး ကျန်တဲ့ရက်လာတဲ့ အသိမိတ်ဆွေတွေကို လေယာဉ်ကွင်း ဆင်းကြိုဖို့ အခက်အခဲရှိတတ်တဲ့ အတွက်ပါ။
စင်္ကာပူ လူဝင်မှုကြီးကြပ်ရေးက စစချင်း လာတဲ့ ဧည့်သည်ကို အနည်းဆုံး ၁၄ ရက် (သို့) ရက် ၃၀ တစ်မျိုးမျိုး Stay အနေနဲ့ ခွင့်ပြုပါလိမ့်မယ်။ အဲသည်နောက်မှာ စင်္ကာပူမြေကို စတင်ဝင်ရောက်နိုင်ပါပြီ။ စင်္ကာပူရောက်ရှိခြင်းဟာ ခရီးစဉ်ရဲ့ တစ် ၀က်အောင်မြင်ခြင်းလို့ ပြောလို့ရပါတယ်။ အဲဒီနောက်မှာတော့ အလုပ်အကိုင်ရရှိရေး လုံးပမ်းရပါတော့မယ်။
|
ဒုတိယပိုင်း အလုပ်ဘယ်လိုရှာရလဲ၊ ဘာအလုပ်တွေနဲ့ ဘာတွေ ပြင်ဆင်ခဲ့လဲဆိုတဲ့ အပိုင်းမှာတော့ လက်လှမ်းမှီသလောက် ကြိုးစား ပြောပါမယ်၊ ဒါပေမယ့် ကျွန်တော်လည်း မနေ့တစ်နေ့ကမှ စင်္ကာပူကိုရောက်ပြီး အလုပ်ရခဲ့တာဆိုတော့ အတွေ့အကြုံ သိပ်နည်းသလို ကျွန်တော်ရဲ့ လိုင်း ကွန်ပျူတာနဲ့ တခြားလိုင်းတွေလည်း အခြေအနေ ကွာခြားတာမို့ ကိုယ့်နည်း ကိုယ့်ဟန်နဲ့လည်း စုံစမ်း ထားသင့်ပါတယ်။ စင်္ကာပူမှာ ကျွန်တော်တို့ မြန်မာတွေအတွက် ဘာအလုပ်တွေ အဆင်ပြေနေလည်းဆိုတော့၊ အိုင်တီကွန်ပျူတာသမားတွေ၊ အင်ဂျင်နီယာတွေ၊ စာရင်းကိုင်တွေ၊ AutoCAD ကျွမ်းတဲ့ Draft Man လို့ ခေါ်တဲ့ ရာထူးတွေ အလုပ်ပေါကြ ၀င်ငွေ ကောင်းကြပါတယ်။ အဲဒီအထဲမှာ ကိုယ်ကပဲ အိုင်တီလိုင်းပေါ်ကမို့လားတော့ မပြောတတ်ဘူး၊ သတိထားမိသလောက်တော့ အိုင်တီ ကွန်ပျူတာသမားတွေက လစာပိုကောင်းကြတယ် ထင်တယ်၊ ကျွန်တော့် အသိထဲမှာတင် တစ်လကို S$ 8000 ကနေ 10000 ကျော် ရတဲ့ သူ နှစ်ဦးရှိတယ်။ အဲလိုပဲ မြန်မာပြည်ကနေ ရောက်ရောက်ချင်း တစ်လကို S$3500 နဲ့ 4500 ရတဲ့သူတွေလည်း ရှိတယ်။ S$2500 ၀န်းကျင်သမားတွေကတော့ အများကြီးပဲ၊ စင်္ကာပူမှာ မြန်မာအိုင်တီသမားတွေ နာမည်ကောင်းရကြပါတယ်။ ဒါပေမယ့် လာမယ့်သူတွေအတွက် Software လိုင်းမှာဆိုရင်လည်း Microsoft, Java စတဲ့ နိုင်ငံတကာ စာမေးပွဲတွေ ဖြေခဲ့ဖို့နဲ့ တကယ် လက်တွေ့ လုပ်ငန်းခွင်အတွေ့အကြုံ ၁ နှစ် ၂ နှစ်လောက်ရှိပြီး တကယ်တတ်ကျွမ်းထားဖို့တော့ လိုပါတယ်။ အဲလို ကိုယ်ဘက်က ပြင်ဆင်ထားရင် ဒီမှာ ၂ ပတ် ၃ ပတ် အတွင်း အလုပ်ရကြပါတယ်။ JobsDB ကလုပ်တဲ့ စင်္ကာပူ Career Expo 2008 အလုပ်ရှာပွဲတော် မြန်မာ အင်ဂျင်နီယာနဲ့ စာရင်းကိုင်တွေအတွက်လည်း စင်္ကာပူမှာ အလုပ် အရမ်းပေါကြတယ်၊ ဒါပေမယ့် ကျွန်တော် သိရသလောက်တော့ သူတို့က ၀င်ဝင်ချင်း ပျမ်းမျှ S$ 1800 နဲ့ 2000 ၀န်းကျင်ပဲ စရကြတယ်၊ အလုပ်ရဖို့ လွယ်ပေမယ့် လစာသိပ်မမြင့်ဘူးလို့ သိရတယ်။ ဆောက်လုပ်ရေး လုပ်ငန်းခွင်မှာ Supervisor အဆင့်လောက်က စလုပ်ကြရတယ် ပြောတယ်။ AGTI တွေလည်း အလုပ်ဖြစ်သလို ME ဆိုရင်တော့ ပိုပြီး ကောင်းတာပေါ့၊ အလုပ်ပိုလွယ်တာပေါ့။ Accountant အတွက်တော့ B Com ပြီးထားပြီး လက်တွေ့လုပ်ငန်းခွင်မှာ တကယ်အတွေ့အကြုံရှိတယ် ဆိုရင် အလုပ်ရဖို့လွယ်ပြီး လစာလည်း မနည်းပါဘူး၊ S$ 2000 ~ 2500 တော့ အသာလေး ရကြတာပါပဲ။ နိုင်ငံခြားဘွဲ့ ACCA part I, part II တွေလည်း အလုပ်ဖြစ်ပါတယ်၊ ဒါပေမယ့် တကယ် တတ်ရမှာပါ၊ ဘာဘွဲ့ကြီး ကိုင်လာကိုင်လာ သူတို့က ခိုင်းလို့ရမှ၊ သူတို့အတွက် အကျိုးရှိမှ ပိုက်ဆံပေးမှာပါ၊ ဒါက ရှင်းပါတယ်။ Auto CAD ကျွမ်းတဲ့သူတွေအနေနဲ့ ပုံဆွဲတဲ့ Draft Man အလုပ်တွေလည်း ပေါတာပဲ။ ကွန်ပျူတာကိုင်ရတာဆိုတော့ ပင်ပင်ပန်းပန်း လုပ်စရာမလိုဘူးပေါ့။ သူတို့လည်း တစ်လကို S$ 1800 လောက်တော့ အောက်ထစ် ရကြပါတယ်။ ဒါပေမယ့် ကံ ကိုတော့ ကျွန်တော်တို့ မေ့ထားလို့ မရဘူး။ တချို့လည်း လွယ်သလို၊ တချို့လည်း အခက်အခဲ ရှိပြီး တိတ်တိတ်ကလေး ပြည်တော်ပြန်ကြရ၊ မလေးရှားကို Stay ရှောင်ကြရပေါ့။ ဥပမာ တစ်ခု ပြောရရင် ကျွန်တော်လုပ်တဲ့ အိုင်တီ ကုမ္ပဏီမှာ အင်တာဗျူးကို ရေးဖြေ အရင်စစ်တယ်၊ လက်တွေ့တကယ် တတ်တဲ့သူအတွက် အလွန်လွယ်တဲ့ မေးခွန်းတွေပေါ့၊ အဲဒါအောင်မှ လူတွေ့ ဆက်စစ်တယ်၊ ၀င် ၀င်ချင်း S$ 2300 စပေးမယ့် Web Developer S$ 2500 ရမယ့် အောက်ခြေ ရာထူးလေးပေါ့၊ စင်္ကာပူတက္ကသိုလ်ကနေ ကျောင်းပြီးထားတဲ့ သူတစ်ယောက် လာဖြေတယ်၊ ကျတယ်။ မအောင်ဘူး။ အားလုံးက အံ့အားသင့်သွားတယ်။ ဘယ်သူမှလည်း မကယ်နိုင်ဘူး။ သူလည်း စိတ်ဓတ်ကျပြီး ပြန်သွားတယ်၊ သိပ်မကြာခင် နောက်တစ်ပတ် အတွင်းမှာပဲ S$2800 နဲ့ တခြားမှာ အဲဒီကလေး အလုပ်ရသွားတယ်။ ကဲ .. ကောင်းရော။ အိုင်တီ၊ စာရင်းကိုင်၊ အင်ဂျင်နီယာ သမားတွေအတွက် အသေအခြာ ပြင်ဆင်လာရင် အလုပ်အတွက် သိပ်စိတ်ပူဖို့ မလိုပါဘူး၊ အဲ တခြားအလုပ်တွေဖြစ်တဲ့ Marketing တို့၊ Sale တို့ Business Management တို့၊ Admin တို့အတွက်တော့ ကျွန်တော်တို့ ၀င်တိုးဖို့ သိပ်မလွယ်ဘူး။ အဲဒီ အလုပ်တွေအတွက် ဘာသာစကား၊ ဒေသ ကျွမ်းကျင်မှုနဲ့ အပေါင်းအသင်း မိတ်ဆွေ ကျယ်ပြန့်မှု တွေမှာပါ သူတို့ နိုင်ငံသားတွေက အားသာကြတဲ့အတွက် သူတို့ နိုင်ငံသားတွေကိုပဲ ခန့်ကြပါတယ်။ အဲဒါတွေထက်စာရင် မြန်မာပြည်က Chemistry သမားတွေနဲ့ Geology သမားတွေကမှ ကိုယ့်အဆက်အသွယ်နဲ့ကို အလုပ်လေးတွေ ရဖို့ လွယ်သေးတယ်။ ဒါပေမယ့် အခုနပြောတဲ့ အိုင်တီ၊ စာရင်းကိုင်၊ အင်ဂျင်နီယာသမားတွေကတော့ ကိုယ်ရဲ့ အရည်အချင်းနဲ့ အတွေ့အကြုံပေါ်မှာ မူတည်ပြီး စင်္ကာပူမှာ ပျိုတိုင်းကြိုက်တဲ့ နှင်းဆီခိုင်တွေပေါ့။ သတိပြုရမှာက အသက်မွေး ၀မ်းကျောင်း ပညာရပ်တစ်ခုခု ကျွမ်းကျင် မတတ်ပဲ မြန်မာပြည်မှာ အင်္ဂလိပ်စကား ဘွတ်ဘွတ်ရွှတ်ရွှတ် မွှတ်နေအောင် ပြောတတ်ရုံနဲ့တင်တော့ စင်္ကာပူမှာ အလုပ်ရဖို့ မသေချာပါဘူးဆိုတာပါပဲ။ အဲလိုပဲ ဘယ်လောက်ပဲ ပညာရပ်ဆိုင်ရာ လုပ်ငန်း ကျွမ်းကျင် ကျွမ်းကျင် အင်တာဗျူးလေးတောင် အင်္ဂလိပ်လို မဗျူးနိုင်ရင်လည်း အလုပ်ရဖို့ အခက်အခဲတွေ့ နိုင်ပါတယ်။ ကဲ ဘယ်ကစ အလုပ်ရှာကြမလဲ… စင်္ကာပူမှာ အလုပ်လုပ်ဖို့ ကိုယ့်အားကိုယ်ကိုး အလုပ်ရှာတဲ့ နည်းနဲ့ ပွဲစားအပ်ပြီး အလုပ်ရှာတဲ့နည်း ဆိုပြီး ၂ နည်း ရှိပါတယ်။ ပွဲစားအပ်တာတော့ ပိုက်ဆံကုန်ပြီး သူများကို အားကိုးရတဲ့ နည်းမို့ ဒုတိယ ဦးစားပေးအဆင့်မှာ ထားပြီး ကိုယ့်ပညာ ကိုယ်ယုံပြီး ကိုယ့်အား ကိုယ်ကိုးမယ့် သူတွေအတွက် ပထမဦးစားပေး ပြောပြပါမယ်။ တချို့ကပြောကြတယ်၊ ပွဲစားနဲ့က သေခြာတယ်တဲ့၊ ကျွန်တော့် အမြင်ကတော့ အလုပ်ရဖို့ မရဖို့ထက် ကုန်ဖို့သေချာတာ ဖြစ်ပါလိမ့်မယ်။ စင်္ကာပူမှာ အလုပ်ရှာမယ်ဆိုရင် ဒေသထုတ် နေ့စဉ် သတင်းစာကြီး တစ်ခုဖြစ်တဲ့ The Strait Times မှာပါတဲ့ အလုပ်ကြော်ငြာတွေကနေတဆင့် အလုပ်လျှောက်ကြသလို အင်တာနက် အလုပ်ရှာဖွေရေး ၀ဘ်ဆိုက်တွေမှာ ကြည့်ပြီးတော့လည်း အလုပ်လျှောက်နိုင်ပါတယ်။ စင်္ကာပူမှာရှိတဲ့ အဓိက အလုပ်ရှာဖွေရေး ၀ဘ်ဆိုက်တွေကတော့ - http://www.jobsdb.com.sg ၀ဘ်ဆိုက်က အလုပ်တွေပဲ ရှာရှာ၊ သတင်းစာက အလုပ်တွေပဲ ရှာရှာ သေခြာတာက အလုပ် လျှောက်လွှာကို အွန်လိုင်း(eMail)နဲ့ ပေးပို့ လျှောက်ထားတာဟာ ကျွန်တော့်တို့ အတွက် အဆင်ပြေဆုံးပါပဲ။ သွားစရိတ် လာစရိတ်မကုန်ဘူး၊ စာရွက်စာတမ်းကြေး မကုန်တော့ဘူးပေါ့။ ဒါကြောင့်မို့ စင်္ကာပူမထွက်ခင် ကွန်ပျူတာ အင်တာနက် ကျွမ်းကျွမ်းကျင်ကျင် သုံးတတ်ဖို့လည်း လေ့လာခဲ့သင့်ပါတယ်။ အီးမေးလ်လေးတောင် မဖွင့်တတ်၊ မပို့တတ်နဲ့၊ Online Registration လေးတောင် မလုပ်တတ်တာဟာလည်း အလုပ်ရဖို့ အခက်အခဲ တစ်ခုပါပဲ။ အွန်လိုင်းက အလုပ်လျှောက်ဖို့ အပေါ်မှာ ပြောခဲ့တဲ့ ၀ဘ်ဆိုက် ငါးခုလုံးမှာ Register လုပ်ထားသင့်ပါတယ်၊ အဲဒီ နေရာမှာ သူ့ဝဘ်ဆိုက်နဲ့သူ Register လုပ်ပုံခြင်းတော့ သိပ်မတူပါဘူး၊ ဒါပေမယ့် သိပ်လည်း မခက်ခဲပါဘူး။ အသေအခြာ ဖတ်ပါ။ နည်းပညာပိုင်းအနေနဲ့ ဂရုပြုရမှာက Upload လုပ်မယ့် ဓါတ်ပုံရဲ့ အရွယ်အစားနဲ့ Attach လုပ်ရမယ့် Resume လို့ ခေါ်တဲ့ ဖိုင်အရွယ်အစားပါပဲ။ များသောအားဖြင့် Resume လို့ခေါ်တဲ့ ဖိုင်အရွယ် အစားဟာ Microsoft Word ဖိုင်အမျိုးအစားနဲ့ 200 kb ထက် မကြီးဖို့ တောင်းဆိုထားကြပါတယ်။ ဒီနေရာမှာလည်း Microsof Word ဖိုင်ရဲ့ Version ပါ။ အကောင်းဆုံးက Office 2000 Format ဖြစ်သင့်ပါတယ်။ ဒီလိုမဟုတ်ပဲ Office 2008 Version ဖြစ်လို့ File Extension က *.docx ဆိုရင် ကိုယ်အလုပ်လျှောက်တဲ့ ကုမ္ပဏီမှာ အဲဒီ 2008 Version ကို Update လုပ်မထားရသေးရင် ဖွင့်မရတဲ့ ပြဿနာ ဖြစ်နိုင်ပါတယ်။ အဲဒီတော့ အလုပ်လျှောက်ဖို့ Online Registration မလုပ်ခင် ၁။ Resume ကို စနစ်တကျ ပြင်ဆင်ပါ။ - File Size 200 Kb ထက် မကြီးရ - Microsoft Office 2003 Format *.doc Version ထက် မြင့်သော Version (*.docx) မသုံးရ (ယခုနှစ်ပိုင်း 2008/2009 အတွက်သာ ဖြစ်ပါသည်။) - လိုအပ်သော အထောက်အထား Certificate များကို ဖိုင်ထဲတွင်ပင် Picture Format ဖြင့် တစ်ခါတည်း ထည့်ပေးပါ။ (သီးခြား ဖိုင်များဖြင့် Attach မလုပ်ရန်ကို ဆိုလိုသည်။) ၂။ အီးမေးလ် လိပ်စာတစ်ခုကို စနစ်တကျဖွင့်ပါ။ အကောင်းဆုံးကတော့ လူသုံးများတဲ့ Gmail လို အီးမေးလ်လိပ်စာကို ယူပါ။ သူက စာတွေအများကြီး သိမ်းထားလို့ရပါတယ်။ တခြားမေးလ်လေးတွေက 5mb, 20mb လောက်ပဲ ပေးတာမို့ ကိုယ်က အလုပ်တွေအများကြီးကို လျှောက်တဲ့အခါ Mail Server ပြည့်နေပြီး အခက်တွေ့တတ်ပါတယ်။ အီးမေးလ်လိပ်စာကို ကဗျာဆန်ဆန်တွေ ရှည်ရှည်ဝေးဝေး တွေးမပေးပါနဲ့ အတိုဆုံး အလွယ်ဆုံးကို ကိန်းဂဏန်းတွေနဲ့ တွဲပေးပါ။ ဖတ်ရလွယ်ဖို့က အဓိကပါ။ ဥပမာ Kyaw Mg Mg Zaw ဆိုတဲ့ နာမည်အတွက် kyaw123@gmail.com တို့ kyaw501@gmail.com တို့ ဖတ်ရ မှတ်ရလွယ်မယ့် အမည်တွေကို ရွေးပါ။ Password ကိုတော့ အရမ်းလွယ်တာကြီး မဟုတ်သလို၊ သိပ်ခက်ခဲပဲ မှတ်ရခက်နေတာမျိုးတွေလည်း မဖြစ်သင့်ပါဘူး။ ဘာလို့ ဒါတွေကို အသေးစိတ် ပြောနေရလည်း ဆိုရင် ဘာမဟုတ်တဲ့ အသေးအမွှားလေးတွေဖြစ်တဲ့ password မေ့သွားတာတို့၊ ကိုယ့် မြန်မာနာမည်က မြန်မာအချင်းချင်း ခေါ်ဖို့ အဆင်ပြေပေမယ့် သူတို့အတွက်ကျ မှတ်ရ၊ ဖတ်ရခက်နေတာတို့ မဖြစ်အောင်လို့ပါ။ ၃။ Cover Letter တစ်ခုကို အတိုဆုံး၊ အရှင်းဆုံးနဲ့ ကိုယ့်အရည်အချင်းတွေဟာ ကိုယ်လျှောက်မယ့် အလုပ်နဲ့ အံဝင်ခွင့်ကျ ဖြစ်တယ်ဆိုတာကို အလုပ်ခေါ်တဲ့ အလုပ်ရှင် သိသာ၊ မြင်သာသွားအောင် ရေးပါ။ Oline ပေါ်မှာ ကိုးကားဖို့ Website တွေရှိပါတယ်။ Cover Letter တွေ ကြည့်ဖို့ Web Site အချို့ကိုလည်း အောက်မှာ ထည့်ပေးလိုက်ပါတယ်၊ နည်းနည်း လေ့လာကိုးကားလို့ ရတာပေါ့။ ပြီးတော့ ကျွန်တော့်ရဲ့ CV နဲ့ Recommendation တွေကိုလည်း Sample အဖြစ်နဲ့ Download Link ထည့်ပေးလိုက်ပါတယ်။ အားလုံး အဆင်သင့် ဖြစ်ပြီဆိုရင်တော့ Online Register လုပ်ပြီး အလုပ်တွေ စလျှောက်ရုံပေါ့။ အပေါ်မှာ ပြောခဲ့တဲ့ အလုပ်ရှာဖွေရေး ၀ဘ်ဆိုက်တွေမှာ Register လုပ်ရင် သူတို့က Resume တစ်ခု တောင်းပါလိမ့်မယ်၊ အဲဒီအခါ ကိုယ့်ရဲ့ အသင့်လုပ်ပြီးသား Resume ကို Upload လုပ်ပေး လိုက်ရုံပါပဲ။ ဒါမှ သူတို့ ၀ဘ်ဆိုက်မှာ ကြော်ငြာထားတဲ့ အလုပ်ခေါ်စာတွေကို လျှောက်ရင် သူတို့ဆီကနေတဆင့် အလွယ်တကူ တင်ပေးပါလိမ့်မယ်။ ဒါအပြင် နေ့စဉ် ကိုယ်နဲ့ လိုက်ဖက်မယ့် အလုပ်တွေကိုလည်း အီးမေးလ်နဲ့ ကိုယ်ဆီ ပို့ပေးပါတယ်။ အဲဒီ လိပ်စာတွေကနေ တဆင့် အလုပ် လျှောက်လွှာ တင်ရုံပါပဲ။ ဂရုပြုရမှာက အချို့ လုပ်ငန်းတွေက Online ပေါ်က အလုပ်ရှာဖွေရေး ၀ဘ်ဆိုက်တွေကနေ တဆင့် မဟုတ်ပဲ တိုက်ရိုက် အီးမေးလ်ပို့ဖို့ တောင်းဆိုတတ်ကြပါတယ်။ အဲဒါမျိုးတွေကိုတော့ အီးမေးလ်နဲ့ သီးသန့် ပို့ပါ။ Online Job Site တွေကနေတဆင့် အလုပ်လျှောက်ရသလို နေ့စဉ်ထုတ် The Strait Time သတင်းစာထဲက ကြော်ငြာတွေကနေလည်း အလုပ်လျှောက်ရပါမယ်။ The Strait Time သတင်းစာက တစ်စောင်ကို စင်္ကာပူဒေါ်လာ ပြား ၈၀ ပေးရပါတယ်။ မနက် ၈ နာရီလောက်ဆို ကိုယ်နဲ့နီးတဲ့ ဆဲဗင်းအီလဲဗင်း စတိုးဆိုင်လေးတွေမှာ ၀ယ်လို့ရပါတယ်။ မြန်မာပြည်က သတင်းစာတွေလို ပါးပါးလေး မဟုတ်ပဲ အထူကြီးပါ။ သူ့ဏ္ဍအလိုက် အစောင်တွေ အပိုင်းပိုင်းဖြစ်နေတာမို့ အားလုံးအကုန်အစုံပါဖို့ ဂရုပြုပါ။ အဓိကကတော့ ကိုယ့်က အလုပ်ရှာမှာဆိုတော့ Recruitment အပိုင်းကိုပေါ့။ သတိပြုရမှာက ဗုဒ္ဓဟူးနဲ့ စနေနေ့တွေပါ။ အဲဒီနေ့တွေမှာ အလုပ်ကြော်ငြာတွေ ပိုပြီး ပါတာမို့ သတင်းစာကြီးက အထူကြီးဖြစ်နေတတ်ပါတယ်။ ကိုယ်ကလည်း တခြားနေ့တွေ မ၀ယ်ဖြစ်ရင်တောင် အဲဒီနေ့ကို စောစောထ ၀ယ်ပြီး အလုပ်လျှောက်သင့်ပါတယ်။ စောစောထ ဆိုတာကလည်း ဂရုပြုရမယ့် အချက်ပါ။ ရုံးတွေရဲ့ ထုံးစံအတိုင်း ဘယ်သူမှ ရောက်ရောက်ချင်း အလုပ်မလုပ်ကြဘူး၊ ကွန်ပျူတာလေးဖွင့် အီးမေးလ်စစ်၊ ကော်ဖီလေးဖျော် ဆိုတော့ အဲဒီ မနက် ၉ နာရီလောက် သူတို့ အီးမေးလ်စစ်ချိန်မှာ ကိုယ့် အလုပ် လျှောက်လွှာ အီးမေးလ်က ရောက်နေသင့်ပါတယ်။ အဲဒါဆိုရင် ကိုယ့်ရဲ့ အလုပ်လျှောက်လွှာ အီးမေးလ်က သူတို့ အတွက် ပထမဆုံး ဂရုပြုမိတဲ့ စာရင်းထဲ ရောက်သွားတာပေါ့။ ဒါက ဖြစ်နိုင်ရင်ပါ။ ကုမ္ပဏီအလိုက်တော့ မူတွေ ပုံစံတွေ မတူပါဘူး။ တစ်ချို့ အင်တာနက်မှာ၊ သတင်းစာမှာ ကြော်ငြာလိုက်တယ်။ နောက်နေ့ လျှောက်လွှာတွေ လက်ခံတယ်၊ အဆင်ပြေမယ် ထင်တဲ့သူတွေ ဆီကို ဖုန်းဆက်ပြီး အင်တာဗျူးဖို့ ချိန်းမယ်။ နောက် အင်တာဗျူးမယ်၊ ကြိုက်ရင် လစာညှိ၊ သဘောတူရင် တစ်ခါတည်း တန်းခန့်ပေါ့။ ကုမ္ပဏီ ကြီးတွေ ကြလည်း နောက်ဆုံး လျှောက်ထားရမယ့် လျှောက်လွှာ ပိတ်ရက်ကို ထည့်ပေးထားတယ်၊ အဲဒီနေ့ မရောက်မခြင်း လျှောက်လွှာ လက်ခံတယ်၊ အဲဒီ အထဲကမှ စကာတင် စိတ်ကြိုက် ရွေးပြီး လူတွေ့ခေါ်ဖို့ အကြောင်းကြားနဲ့ အဆင့်ဆင့်ပေါ့။ ဘာပဲဖြစ်ဖြစ် ကိုယ်က လိုချင်တဲ့သူ ဆိုတော့ ၀ီရိယတော့ ပိုရမှာပေါ့။ အလုပ်တွေ လျှောက်ပြီးရင် လုပ်ရမယ့်အလုပ်က တယ်လီဖုန်းကို အချိန်ပြည့် ခေါ်လို့ ဆက်လို့ရအောင် လုပ်ထားဖို့ပဲ။ ဟိုက အင်တာဗျူးဖို့ ခေါ်မှ ဖုန်းက အားမရှိတော့တာနဲ့၊ ဖုန်းထဲမှာ ပိုက်ဆံကုန်နေလို့ ပြောမရတာနဲ့ အခက်တွေမှာ စိုးလို့ပါ။ နောက်ပြီး အလုပ်လျှောက်ထားတဲ့ ကုမ္ပဏီတွေဆီကို Follow Up လုပ်ပြီး ဖုန်းဆက်မေးဖို့ပဲ။ စကာတင် စာရင်းကို လှမ်းပြောပါ့မယ်၊ ဖုန်းမဆက်ပါနဲ့ လို့ မတားတဲ့ ကုမ္ပဏီမှန်သမျှ ဖုန်းဆက်ပြီး မေးပါ။ ငါလျှောက်ထားတယ်၊ ဘယ်လိုလဲ၊ ဘာလဲပေါ့။ သူတို့အခေါ်ကို တမေ့တမော စောင့်မနေနဲ့။ ကိုယ်က ဗီဇာပြည့်ရင် ပြန်ရမှာဆိုတာ မမေ့နဲ့။ အင်တာဗျူးခေါ်ဖို့ သွားပြီဆိုရင်လည်း တည်တည်ငြိမ်ငြိမ် ဖြစ်သင့်ပါတယ်။ သိပ်ပြီး ဂရုစိုက်နေဖို့ မလိုပါဘူး။ ရခြင်ဇောတွေ အရမ်း အားမကြီးပါနဲ့။ အ၀တ်အစားကိုလည်း ၀တ်နေကြအတိုင်း ပေါ့ပေါ့ပါးပါးပဲ ၀တ်ပါ။ သပ်သပ်ရပ်ရပ်ဖြစ်ဖို့ပဲ အရေးကြီးတာပါ။ အင်တာဗျူးသွားဖို့ အိမ်က မထွက်ခင် ဘော်ပင်၊ ခဲတံနဲ့ လိုအပ်တဲ့ ကိုယ့် စာရွက်စာတမ်း မူရင်းတွေ စုံရဲ့လား ဆိုတာပါပဲ။ အင်တာဗျူးသွားတဲ့အခါ လိုအပ်ရင် Taxi သုံးပါ။ ဘာနဲ့သွားသွား ချိန်းတဲ့ အချိန်ထက် နာရီဝက်လောက်တော့ စောရောက်နေအောင် သွားပါ။ အင်တာဗျူး ဖြေတဲ့ အခါမှာလဲ မပြာပါနဲ့။ ကိုယ့်အတွေ့ အကြုံတွေနဲ့ ကိုယ်လုပ်နိုင်တာတွေကို သူတို့သိအောင် ပြောနိုင်ဖို့ ကြိုးစားပါ။ သူတို့ကြိုက်ရင် ခန့်လိမ့်မယ်။ သိပ်အောက်ကျခံပြီး မျက်နှာငယ်လေးနဲ့ လုပ်မနေပါနဲ့။ ကိုယ့်ကိုယ်ကိုမှ ယုံကြည့်မှု မရှိဖြစ်နေရင် သူတပါးကလည်း ကိုယ်ကို ယုံရဲမှာ မဟုတ်ပါဘူး။ ကဲ … ဒီလောက်ဆိုရင် လစာ စိတ်ကြိုက်တောင်းနိုင်ဖို့ လိုသလို အလုပ်ချိန်တွေကိုလည်း သေချာအောင် Confirm လုပ်သင့်ပါတယ်။ စင်္ကာပူမှာ များသောအားဖြင့် တစ်ပတ်ကို ၅ ရက်ခွဲ ၆ ရက် အလုပ်လုပ်ကြရတယ်၊ တနင်္လာကနေ စနေနေ့တစ်ဝက် ဒါမှမဟုတ် စနေတစ်နေ့လုံးပေါ့။ တချို့ကတော့ ၇ ရက်အထိ လုပ်ခိုင်းတဲ့ ကုမ္ပဏီတွေလည်း ရှိတယ်။ တော်တော် ဆိုးတဲ့အလုပ်တွေပါ၊ မလျှောက်သင့်၊ မလုပ်သင့်ပါဘူး။ ဖြစ်နိုင်ရင် 5 Days Work လို့ခေါ်တဲ့ တစ်ပတ်ကို ၅ ရက်ပဲ အလုပ်လုပ်ရတဲ့ အလုပ်တွေကိုရှာပါ။ နောက်တစ်ခု ဂရုပြုရမှာက SPass, EP လျှောက်ပေး/မပေးပါ။ SPass ဆိုတာက စင်္ကာပူမှာ အလုပ်လာလုပ်တဲ့ နိုင်ငံခြားသားတွေအတွက် တရားဝင် အလုပ်လုပ်ခွင့် ပါမစ်ပေါ့။ လစာ ၁၈၀၀ ကနေ ၂၄၉၉ အတွင်းရတဲ့သူတွေကို ထုတ်ပေးတယ်။ EP ကတော့ ၂၅၀၀ အထက်ပေါ့။ အဲဒီတွေက ကုမ္ပဏီက လျှောက်ပေးရတာပါ။ သူတို့ဆီမှာ Quota ကျန်မှ လျှောက်လို့ရတာပါ။ တချို့ကုမ္ပဏီတွေက လစာကို ၁၄၀၀ လောက်ပဲပေးမယ်၊ ဒါပေမယ့် SPass လျှောက်ပေးမယ်တို့ ဘာတို့ တရားမ၀င် ညှိတတ်ပါတယ်။ မလုပ်သင့်ပါဘူး။ နောက်တစ်ခါ လစာကို နှိမ်ပြီး Over Time နဲ့ မဲဆွယ်တတ် ပြန်တယ်။ အစကတည်းက ကိုယ့်ကို မဟုတ်တာလုပ်ဖို့ စီစဉ်နေမှတော့ နောက်ပိုင်းလည်း သိပ်ကောင်းဖို့ လမ်းမရှိတာမို့ မရွေးခြယ်သင့်တဲ့ အလုပ်တွေပါ။ ကိုယ့်ပညာကို ကိုယ်ယုံတယ်ဆိုရင်တော့ 5 Days Work အလုပ်ကို ရအောင်ရှာ ၁၈၀၀ တန်တဲ့သူက ၁၈၀၀ အပြည့်ရအောင်တောင်းပြီး SPass တင်ခိုင်း။ ၂၅၀၀ ရမယ့်သူကလည်း EP တင်ခိုင်းပြီး မှန်မှန်ကန်ကန် အလုပ်ဝင်နိုင်ရင် အကောင်းဆုံးပါပဲ။ ကဲ ဒါဆိုရင် အလုပ်ရတဲ့ အခါ အိုင်တီမောင်မောင်ကို ဖုန်းဆက်ပြီး ကော်ဖီတိုက်ဖို့ပဲ ကျန်တော့တယ်လို့ ပြောရင်း .....။ |
စင်္ကာပူနိုင်ငံမှာ အလုပ်လာရှာကြတဲ့ ရွှေမြန်မာများအတွက် စင်္ကာပူကို မရောက်ခင်မှာ ပူပင်ကြရတဲ့ ကိစ္စတစ်ခုက နေရေးထိုင်ရေးပါပဲ။ အလုပ်မရခင် စပ်ကြား ဘယ်မှာ သွားနေမလဲဆိုတဲ့ ကိစ္စက တော်တော်လေးကို စီစဉ်ရခဲယဉ်းတဲ့ ကိစ္စပါ။ စင်္ကာပူကို ကြိုရောက်နေတဲ့ သူငယ်ချင်း အပေါင်းအသင်းများနဲ့ အဆက်အသွယ် ရခဲ့ရင်တော့ ကောင်းရဲ့။ မရခဲ့ရင် ဘယ်မှာသွားနေမလဲဆိုတဲ့ကိစ္စတစ်ခုတည်းနဲ့ကို စီစဉ်ရ ခဲယဉ်းတတ်တာ ကြုံဖူးသူတိုင်းနားလည် သဘောပေါက်ကြမှာပါ။ တနေ့က ပင်နီဆူလား ပလာဇာမှာ လျှောက်သွားရင်းနဲ့ တွေ့တဲ့ ကြော်ငြာလေးတွေထဲက လင့်တချိှု့ညွှန်းလိုပါတယ်။
ပထမတစ်ခုက http://www.shwerooms.com/sg/ ။ ဒီဝဗ်ဆိုက်က Australia, Japan, Malaysia, Myanmar, Singapore, Thailand, United Kingdom နဲ့ United States တို့က ရွှေမြန်မာများအတွက် ငှားရန်ရှိအခန်းများကို ကြော်ငြာနိုင်သလို၊ ၀င်ရောက် ဆက်သွယ် ငှားရမ်းနိုင်အောင် တည်ဆောက်ထားတာ တွေ့ရတယ်။ လက်ရှိ အနေနဲ့ကတော့ စင်္ကာပုနိုင်ငံက အခန်းတွေပဲ ကြော်ငြာထားတာတွေ့ရပြီး နောက်နောင်မှာ ဖော်ပြပါ အခြားနိုင်ငံတွေက အခန်းတွေလည်း ကြိုတင် ဆက်သွယ် ငှားရမ်း နိုင်လိမ့်မယ်လို့ မျှော်မှန်းရပါတယ်။ ပြည်ပရောက်နှင့်နေပြီးသား သူတွေအတွက် အကျိုးရှိနိုင်သလို ပြည်ပကို ထွက်လာဖို့ စီစဉ်နေဆဲသူတွေအတွက်လည်း အထောက်အကူ ဖြစ်နိုင်စရာရှိတဲ့ အလားအလာကောင်း ၀ဗ်ဆိုက်တစ်ခုပါပဲ။
ဒုတိယတစ်ခုက http://www.freead4you.net/ ပါ။ ဒီဝဗ်ဆိုက်ကလည်း ရွှေမြန်မာများအတွက် အိမ်ခန်းက အစ လျှပ်စစ်နဲ့ အီလက်ထရောနစ် ပစ္စည်းအစုံ ရောင်းဝယ်ငှားရမ်းမှုတွေ လုပ်နိုင်ဖို့ ကူညီပေးတဲ့ ၀ဗ်ဆိုက်တစ်ခုပါ။ တစ်ခု ထူးခြားတာက အခမဲ့ကြော်ငြာနိုင်တယ်ဆိုတာပါပဲ။ သွားရောက် မွှေနှောက်နိုင်စေဖို့ ဝေမျှလိုက်ခြင်းဖြစ်ပါကြောင်း။
www.singaporejobsonline.com
www.singaporeitjobs.com
www.singapore.recruit.net
www.monster.com.sg
www.bestjobs.com.sg
www.jobscentral.com.sg
www.jobsdb.com
www.sg.jobstreet.com
www.singapore.job-q.com
www.jobsf1.com
www.jobmarket.com.sg
www.careertips.com
www.careerzone.com.sg
www.jobs.singaporeexpats.com
www.jobs.agilent.com
www.jobsupermart.com
www.bestjobs.com.sg
www.streetdirectory.com
www.efinancialcareers.sg
www.singaporejobsearch.com
www.aicgonline.com
www.expatforum.com
www.micron.com/jobs/asiapacific/singapore
www.jobscity.net
www.moe.gov.sg
www.jobs.efinancialcareers.com
www.zdnetasia.com
www.efinancialcareers.com
www.jobs.efinancialcareers.sg
www.asianspider.com
www.jobseek.com.sg
www.worksingapore.com
www.intel.com/jobs/singapore/
www.jobs.efinancialcareers.com
www.tp.jobscentral.com.sg
www.sgadsonline.com
www.4icj.com/sg
www.singaporejobsdb.com.sg
www.jobs.monster.com.sg
www.jobs.agilent.com
www.recruit.net
www.jobsdb.com
www.jobcyclone.com
www.streetdirectory.com/jobs/singapore
www.jobsearchworld.com
www.expatriates.com/classifieds/singapore
www.entersingapore.info
www.singaporeexpats.com
www.bayt.com/job/jobs-in-singapore
www.monster.com.sg
www.jobcyclone.com/singapore/jobs
www.job-searchonline.com
www.jobscity.net
www.cyberspacejobs.com
www.asia-employment.com
www.nature.com
www.jobscentral.com.sg
www.jobs.wsta.efinancialcareers.com
www.newchinacareer.com
www.bp.com
www.biospectrumasia.com
www.np.jobscentral.com.sg
www.jobs.efinancialcareers.sg
www.futuregen.sg
No comments:
Post a Comment