ဇေကြီး

Sunday, October 17, 2010

မြန်မာနိုင်ငံက ကာတွန်းဆရာတွေထဲမှာ ကျွန်တော် ထူးထူးခြားခြားလေးစားသဘောကျမိတာ ဆရာအော်ပီကျယ်ဗျ။ ဆရာဟာ ရန်ကုန်နည်းပညာတက္ကသိုလ်က BE ဘွဲ့ ရထားတဲ့ အင်ဂျင်နီယာ တစ်ယောက်ပါ။ အမေရိကန် ဟားဘတ်တက္ကသိုလ်က လည်း မဟာဘွဲ့ တစ်ခု ရထားပါသေးတယ်။ ဆရာအော်ပီကျယ်ရဲ့ ကာတွန်းတွေဟာ သာမန်ရယ်ရရုံထက်ပိုတယ်လို့ ပြောရမယ်ဗျ။ နိုင်ငံတကာအဆင့်ကို အပြည့်အ၀မှီပါတယ်။ ကာတွန်းလေးကို ကြည့်လိုက်ပြီး ရယ်လိုက်ရတဲ့အချိန်မှာ ရင်ထဲမှာ နင့်ကနဲ့ဖြစ်ကျန်ခဲ့ အောင် စိတ်ကူးကောင်းကောင်း ခံစားချက်ပြင်းပြင်းနဲ့ ဖန်တီးနိုင်တာ မြန်မာနိုင်ငံမှာ ဆရာ အော်ပီကျယ်တစ်ယောက်ပဲ ရှိမယ်ထင်ပါတယ်။ အကြောင်းအမျိုးမျိုးကြောင့် ဆရာ့ ကာတွန်းတွေ နောက်ပိုင်း မတွေ့ ရတော့တာလည်း စိတ်မကောင်းစရာ တစ်ခုပေါ့ဗျာ။ ကျွန်တော်အခု ဆရာအော်ပီကျယ်ရဲ့ ကာတွန်းတွေ ထဲက ပဲ ရင်ထဲမှာ နင့်ကနဲ့ ဖြစ်ကျန်လောက်တဲ့ ကာတွန်းတွေကိုပဲ ရွေးထုတ်ပြီး တင်ပြလိုက်ပါတယ်။ ဆရာအောင်ပီကျယ်ကိုလည်း ဒီကနေပဲ ဂါဝရ ပြုခွင့်တောင်းလိုက်ပါတယ်။ ဆရာ့ရဲ့ ပြောင်မြောက်တဲ့ အတွေးနဲ့ ဖန်တီးမှု့တွေကို ခံစားကြည့်ကြပါ။

Friday, October 15, 2010

တွေးစရာပါသော ဟာသလေး

တွေးစရာပါတဲ့ ဟာသလေးတစ်ခု ပြောပြမယ်။ အနောက်တိုင်းမှာ အရမ်းချမ်းသာတဲ့ သူဋ္ဌေးတစ်ယောက်က ကန်ကြီးတစ်ကန်ထဲမှာ မိကျောင်းတွေကို အပျော်တမ်းမွေးထားတယ်။ သူကလည်း သူမွေးထားတဲ့ မိကျောင်းတွေကို ကြွားချင်တယ်တူပါရဲ့ ဧည့်ခံပွဲတစ်ခုကျင်းပပြီး လူတွေကို ကန်ထဲကမိကျောင်းတွေကို ခေါ်ပြတယ်ပေါ့။ မိကျောင်းတွေကလည်း ကန်ထဲမှာ ပါးစပ်အဖြဲသားနဲ့ပေါ့။ အဲဒီအချိန်မှာ သူဋ္ဌေးကြီးက စကားတခွန်းပြောတယ်ဗျ။ ဒီကန်ရဲ့ ဒီဖက်အစွန်းကနေ ဟိုဖက်အစွန်းထိကို ရေကူးပြီးသွားပြနိုင်တဲ့သူ ရှိရင် ဒေါ်လာတစ်သန်းဆု ချီးမြှင့်မယ် ဆိုပြီး ကြေငြာလိုက်တယ်။ ဒေါ်လာတစ်သန်းဆိုတာက လည်း မက်လောက်စရာကိုးဗျ။ ဒါပေမယ့် အောက်မှာကလည်း ဆင်းသွားတာနဲ့ တစ စီဝိုင်းဖဲ့မယ့် အကောင်တွေက စောင့်နေတာဆိုတော့ ဘယ်သူမှမလှုပ်ရဲကြဘူး။ အဲဒီအချိန်မှာ မထင်မှတ်ပဲ ၀ုန်းကနဲ့အသံနဲ့အတူ လူတစ်ယောက်ရေထဲမှာ မောကြီးပန်းကြီးနဲ့ကူးခပ်နေတာ မြင်လိုက်ကြရတယ်။ မိကျောင်းတွေကလည်း သူတို့က အစာကျွေးပြီ အထင်နဲ့ ၀ိုင်းလုရအောင် လူစွန့်စားနောက်ကို အသဲအမဲလိုက်ကြတာပေါ့ဗျာ။ ဘာပြောကောင်းမလဲ ၀ိုင်းကြည့်နေတဲ့လူတွေကတော့ တအံ့တသြနဲ့ ကြည့်နေကြတာ အသက်တောင်မရူရဲကြဘူး။ ဟုတ်တယ်လေ သူတို့ တွေးတောင်မကြည့်ရဲတဲ့ ကိစ္စကို ဟိုလူက လက်တွေ့လုပ်ပြနေတာကိုး။ လူစွန့်စား ရေကူးသမားကလည်း ရှေ့ကအသည်းအသန်ကူး မိကျောင်းတွေကလည်း မိလုမိခင်နဲ့နောက်ကလိုက်။ အဲ တော်တော်ချီးကျူးစရာကောင်းတဲ့လူပဲလို့ ပြောရမယ်ဗျ။ မိနစ်ပိုင်းအတွင်းမှာပဲ အဲဒီလူဟာ မိကျောင်းတွေလက်ထဲက လက်မတင်လေး လွတ်ပြီး ကမ်းပေါ်တက်လာနိုင်တယ်ဗျ။ ဒေါ်လာတစ်သန်း ပိုင်ရှင်ဖြစ်ပြီပေါ့ဗျာ။ ကမ်းပေါ်ရောက်တော့ ကိုယ့်လူက အမောတောင် မပြေးဘူး အသက်ကို လုရှုနေရတုန်း လူတွေကအုံးအုံးကြွက်ကြွက်နဲ့ မေးကြတာပေါ့ဗျာ။ ခင်ဗျားဗျာ တော်တော်သတ္တိကောင်းတဲ့လူပဲ တကယ်ကိုလုပ်ရဲတယ် ဆိုပြီး ချီးမွမ်းကြတာပေါ့။ အဲဒီအချိန်မှာ ဒေါ်လာတစ်သန်းပိုင်ရှင် ကိုစွန့်စားက အမောမပြေသေးတဲ့ကြားက ထပြီးဒေါကြီးမောကြီးနဲ့ပြောလိုက်တာက "ခုနက ကျုပ်ကိုဘယ်အယုတ်တမာကောင် တွန်းချလိုက်တာလဲ ပြောစမ်း " တဲ့။

ဟာသလေးကတော့ ဒီလောက်ပါပဲ။ တကယ်တော့သူက ငွေလိုချင်လို့ စွန့်စားပြီး မိကျောင်းကန်ထဲ ဆင်းတာမှမဟုတ်ပဲ။ ကန်ထဲ ပြုတ်ကျသွားလို့ အသက်မသေအောင် အားကုန်ကူးခပ်လွတ်မြောက်လာတာကိုးဗျ။ ရယ်စရာ ဟာသသဘောလေးနဲ့ ရေးထားပေမယ် ဒီလို အလားတူအဖြစ်မျိုးတွေ ကျွန်တော်တို့တွေရဲ့ ဘ၀တွေမှာ ဖြစ်ပျက်နေကျဗျ။ တစ်ခါတစ်လေ ကျွန်တော်တို့ လုပ်နိုင်မယ်ဆိုပြီး တွေးတောင်မတွေးရဲတဲ့ ကိစ္စတွေဟာ ခုနက လူစွန့်စားလို တစ်ယောက်ယောက်က တွန်းချလိုက်လို့ဖြစ်ဖြစ် မတော်တစ်ဆ ကိုယ့်ဟာကိုယ် ပြုတ်ကျသွားလို့ပဲဖြစ်ဖြစ် လက်တွေ့အသက်လုပြီး လုပ်ကိုင်ရတဲ့အချိန်မှာ ဖြစ်မြောက်သွားတတ်ကြတယ်။ ဒါပေမယ့် ကိုယ့်ဟာကိုယ်သတိမထားမိကြတာများတယ်။ ကန်ထဲကျသွားတဲ့အချိန်မှာ လူစွန့်စားရဲ့စိတ်ထဲမှာ ဒေါ်လာတစ်သန်းလည်းမရှိဘူး ဘယ်လိုနည်းနဲ့ ကူးခပ်ရမလဲဆိုတဲ့ နည်းတွေ ကြိုတွေးထားတာလည်းမရှိဘူးလေ။ သူ့အတွက် တစ်ခုတည်းသောနည်းလမ်းက အသက်ဘေးကလွတ်အောင် အားကုန်ထုတ်ပြီး အသေအလဲကူးခပ်ဖို့ပဲ။ ရေကူးရင်းအမောဆို့လို့ သေချင်သေသွားပါစေ မိကျောင်းကိုက်လို့တော့ အသေခံလို့မဖြစ်ဘူးဆိုတဲ့ စိတ်နဲ့ တကယ်ညှုစ်ထုတ်ကြည့်တဲ့အခါ လူအများစု မဖြစ်နိုင်ဘူးလို့ တွေးထားတာက တကယ်ဖြစ်မြောက်သွားတယ်။ ကန်ထဲမကျခင်အချိန်အထိ အဲလို မဖြစ်နိုင်ဘူးလို့ တွေးထားတဲ့လူတွေထဲမှာ သူလည်းပါခဲ့တယ်လေ။ သူ့ကိုယ့်ပိုင်ဆုံးဖြတ်ချက်နဲ့လည်း ဘယ်နည်းနဲ့ပဲ ဖြစ်ဖြစ် ကန်ထဲဆင်းကူးဖို့ စိတ်ကူးမရှိဘူး။ တကယ် ကန်ထဲရောက်တဲ့အချိန်ကျတော့ ဖြစ်နိုင်တာ မဖြစ်နိုင်တာက အရေးမပါတော့ဘူး အသက်ဘေးကလွတ်ဖို့အတွက် ဘာဖြစ်ဖြစ် လုပ်ရတော့မယ်လေ။ တစ်ခါတစ်လေ ဘ၀မှာ ကိုယ်လည်းထင်မှတ်မထားဘူး ကြိုတင်ပြီးလည်း ပြင်ဆင်မထားပဲ ၀န်းကနဲ့ အရေးပေါ် ရုန်းကန်ရတာတွေ ရှိတတ်ကြတယ်ဗျ။ မိကျောင်းတွေလို ပြဿနာပေါင်းစုံက လိုက်ကိုက်ခဲတဲ့အချိန်ပေါ့။ အဆင်မပြေတာချည်းပဲကြုံနေရတယ်ကွာတို့ သေချင်လောက်အောင်စိတ်တ်တယ်တို့ ဆိုပြီး ကျွန်တော်တို့ ပတ်ဝန်းကျင်မှာ ငြီးညူသံတွေ မကြာခဏကြားဖူးမှာပါ။ တကယ်တမ်းသာ အရေးပေါ်အခြေနေမှာ လက်တွေ့ရင်ဆိုင်ရပြီဆိုပါစို့။ လက်တွေ့ဖြေရှင်း ရုန်းကန်ရတဲ့သူတွေမှာ အဲလိုငြီးညူနေဖို့ အချိန်မရှိတတ်ကြဘူးဗျ။ သူတို့ မနားတမ်း လှုပ်ရှားကူးခပ်နေမှ ပြသနာအုပ်စုကြီးရဲ့ အမဲဖျက်မှု့ကလွတ်ပြီး အေးအေးဆေးဆေး အမောဖြေနိုင်မယ်မဟုတ်လား။ သူတို့ တစ်ချက်ရပ်တန့်ပြီးသာ ငြီးညူကြည့် နောက်ကလိုက်လာတဲ့ ပြ ဿနာအုပ်ထဲမှာ ချာလပတ်ရမ်းသွားမယ်လေ။ တစ်ယောက်ယောက်က ခင်ဗျားကို အရမ်းစိတ်ညစ်တာပဲလို့ ပြောတယ်ဆိုင် အဲဒီလူအရမ်းကံကောင်းနေသေးတယ်ဗျ။ ဘာလို့လည်းဆိုတော့ သူ့မှာအေးအေးဆေးဆေး စိတ်ညစ်ချိန်ရှိသေးတယ်။ ဒါဆိုအသည်းအသန်အခြေနေမဟုတ်သေးဘူး။

ကျွန်တော်တို့လူသားတွေဟာ ခံနိုင်ရည်အားတို့ ဖောက်ထွက်နိုင်အားတို့ကို အရေးပေါ်အခြေမဟုတ်သေးသရွေ အပြည့်အ၀ မသုံးဖြစ်ကြတာများပါတယ်။ ဟာသဇာတ်လမ်းလေးထဲက ပုဂ္ဂိုလ်ကတော့ နောက်ကမိကျောင်းတွေ လိုက်နေတဲ့အချိန် ကမ်းပေါ်ကလူတွေကို လှမ်းအော်ပြီ အကူညီမတောင်းသွားဘူးဗျ။ အဲလို လှမ်းအော်ဖို့ အချိန်မှ မရှိတာကိုး။ သူ မအော်ဖြစ်လိုက်တဲ့အတွက်လည်း ဒေါ်လာတစ်သန်းတန်သွားတယ်။ ကဲ ပြဿနာတွေ နောက်ကလိုက်နေပြီ ဆိုပါစို့ ခဏနားပြီး လှမ်းအော်ခေါ်ကြမလား အားကုန်ထုတ်ပြီး လွတ်အောင်ရုန်းထွက်ကူးခပ်ကြမလား။ အမှန်တကယ်က ဒေါ်လာတစ်သန်းကို လူတိုင်းပိုင်ခွင့်ရှိပါတယ်။

Sunday, October 10, 2010

ဆရာအော်ပီကျယ်ရဲ့ ဒို့ မြန်မာတွေ ပျော်ပါစေ အပိုင်း ၁

ပြီးခဲ့ တဲ့လ ၂၆ ရက်နေ့က စင်္ကာပူမှာလုပ်သွားတဲ့ စာပေဟောပြောပွဲက ဆရာအော်ပီကျယ်ရဲ့ ဟောပြောမှု့ အပိုင်း ၁ ပါ။ ဆရာရဲ့ ဟန်အတိုင်း တွေးစရာလေးတွေကို အသော့အထေ့လေးတွေနဲ့ တ၀ါးဝါးတဟားဟား ဖြစ်ရအောင် ပြောပြထားပါတယ်။ မြန်မာပြည်က online သုံးစွဲသူများ ဒေါင်းရလွယ်ကူစေရန် 3gp ဖိုင်ပြောင်းလိုက်တဲ့အတွက် အရည်အသွေးနည်းနည်းကျသွားပါတယ်။ ကျန်တဲ့ အပိုင်းတွေကိုလည်း ရသလို ဆက်တင်ပေးသွားပါမယ်။ ဒေါင်းရမယ့် လင့်ကတော့ အောက်မှာပါခင်ဗျာ။

ဆရာအော်ပီကျယ်ရဲ့ ဒို့မြန်မာတွေပျော်ပါစေ
http://www.4shared.com/video/TMX35iVi/APK.html

Wednesday, October 6, 2010

အလုပ်အသစ်ပြောင်းထားလို့ အသားကျအောင် အတင်းလုံးပန်းနေတာနဲ့ ပိုစ်အသစ်တွေမတင်ဖြစ်ပဲ ဘလော့က ခြောက်သွေ့နေတာကြာပါပြီ။ အခုတစ်လော ဒီမှာ မြန်မာပြည်နဲ့တူတဲ့ နေရာလေးတွေ ပုံစံလေးတွေမြင်ရရင် ရွှေပြည်တော်ကို လွမ်းမိတယ်ဗျာ။ လောလောဆယ်တော့ ရွှေပြည်တော် မျှော်တိုင်းဝေးနေပါသေးတယ်။ ကဲဗျာ စာအေးအေးဆေးဆေး မရေးနိုင်သေးလို့ ပုံလေးတွေအရင် တင်လိုက်တယ်ဗျာ။ ဒီပုံတွေမြင်တော့ ကိုယ့်နိုင်ငံကို သတိရမိလို့ အမှတ်ရလေး ဖြစ်အောင်ပါ။

ဒါကတော့ ဒီကခရီးသည်မျှော်နေတဲ့ ဆိုက်ကားဆရာကြီးပေါ့။ ကျွန်တော်တို့ ဆီက ဆိုက်ကား ဆရာကြီးတွေများ ဘယ်တော့မှ ဒေါ်လာကိုင်နိုင်မည်မသိ။

အလုပ်သွားရင် တွေ့နေကျ ဖိနပ်ချုပ်တဲ့ ဦးလေးကြီးပေါ့။

Sunday, August 15, 2010

Missing

စင်္ကာပူမှာအလုပ်လုပ်နေတဲ့ မြန်မာတစ်ယောက်ရေးထားပြီး တော်တော်လေးထိထိမိမိ ခံစားရတဲ့ ကဗျာလေးပါ။ ရွေပြည်တော်ကလူတွေ အင်မတန်အထင်ကြီးကြတဲ့ စလုံးဆိုတဲ့ ကြေးရတတ်တိုင်းပြည်က မြန်မာလုပ်သားတို့ရဲ့ထပ်တူညီတဲ့ ခံစားချက်တွေကို ထင်ဟပ်ပြသထားပါတယ်။တစ်ချို့ အသုံးအနှုံန်းတွေကို ဒီကဟာတွေဖြစ်လို့ မြန်မာပြည်ကလူတွေသိအောင် အောက်မှာခက်ဆစ်အဓိပါယ်ဖွင့်ပေးလိုက်ပါတယ်။

ခဏခဏဖူးဖြစ်တဲ့ ရွှေတိဂုံ စေတီကြီးကို မလွမ်းပါဘူး။
ပိုက်ဆံပေးမှ တက်လို့ရတဲ့ Merlion ရှိတယ်။

ညဘက် ပြန်မလာမချင်း မအိပ်ပဲစောင့်တဲ့ အမေ့ကို မလွမ်းပါဘူး။
အချိန်မရွေးဆက်လို့ရတဲ့ 1818 ရှိတယ်။

ခဏခဏ ဆိုင်ရောက်နောက်ကျရင် မဆူတဲ့ အဖေ့ကို မလွမ်းပါဘူး။
တခါတလေ ရုံးနောက်ကျရင် ပြောလို့မဆုံးတဲ့ သူကိုယ်တိုင်က အမြဲ နောက်ကျတဲ့ မန်နေဂျာ ရှိတယ်။

ပန်းကန်မဆေးပဲ ထားသွားရင် ဆေးပေးနေကြ အစ်ကို့ကို မလွမ်းပါဘူး။
ဇွန်းတစ်ချောင်းကျန်ခဲ့ရင် ခါးထောက်ပြီးဆဲတဲ့ အိမ်သူကြီး ရှိတယ်။

ကျနော် ဘယ်လောက်ဆိုးဆိုး အသဲနင့်အောင်ချစ်တဲ့ ချစ်သူကို မလွမ်းပါဘူး။
အပေါ်ယံတွေနဲ့ ငွေမက်မက် ကောင်မလေးတွေ ရှိတယ်။

မနက်စောစော ကြက်တွန်သံလေးကို မလွမ်းပါဘူး။
စားပွဲပေါ်က နာငြီးလောက်တဲ့ နှိုးစက်ဝိုင်းဝိုင်း ရှိတယ်။

လမ်းထိပ်က ငရုတ်သီးစပ်စပ် မုန့်ဟင်းခါးကို မလွမ်းပါဘူး။
ကြိုက်သလောက်ဝယ်လို့ရတဲ့ ဖြူဖတ်ဖတ် ခေါက်ဆွဲခြောက် ရှိတယ်။

ကိုတုတ်ကြီးဆိုင်က ပေါ့ဆိမ့်ထိထိလေးကို မလွမ်းပါဘူး။
၁ဒေါ်လာတန် ခပ်ကျဲကျဲ လက်ဘက်ရည် ရှိတယ်။

ကြပ်ကြပ်တောက်တောက် ထိုင်စားရတဲ့ တုတ်ထိုးဗန်းကို မလွမ်းပါဘူး။
အီလည်လည်နဲ့ ကွေ့ချပ် ရှိတယ်။

လေတဖြူးဖြူးနဲ့ တွယ်စီးရတဲ့ ၁၀၅ကို မလွမ်းပါဘူး။
လှောင်အိုက်အိုက်နဲ့ 854 ရှိတယ်။

ဈေးပေါပေါနဲ့ ရွှေဧည့်သည့်ကို မလွမ်းပါဘူး။
အပေါက်ဝကနေ တကျွတ်ကျွတ်နဲ့ ငါ့ပိုက်ဆံတွေထိုင်ဝါးနေတဲ့ စက် ၂ခုပါတဲ့ Bus ကားတွေ ရှိတယ်။

မြက်ခင်းစိမ်းစိမ်း မြင်ကွင်းလေးနဲ့ ၂၀ ပေးပြီး တစ်နေကုန်စီးလို့ရတဲ့ မြို့ပတ်ရထားကို မလွမ်းပါဘူး။
ပြတင်းပေါက်မှောင်မှောင်နဲ့ စက္ကန့်တိုင်းကို ပိုက်ဆံယူနေတဲ့ MRT ရှိတယ်။

စကားလေးပြောရုံနဲ့ ပိုက်ဆံရခဲ့တဲ့ ပွဲစားတန်းက ဘ၀ကို မလွမ်းပါဘူး။
တစ်နေ့ ၁၀နာရီလုပ်ရတဲ့ ညှီစို့စို့ဘ၀တစ်ခု ရှိတယ်။

အထည်ချုပ်က အလုပ်ကြိုးစားတဲ့ ၀န်ထမ်းမလေးတွေကို မလွမ်းပါဘူး။
အချောင်ခိုနေတဲ့ စီနီယာ တရုတ်မတွေရှိတယ်။

ငြင်းလိုက်ခုံလိုက် စနောက်လိုက်နဲ့ DotA ပွဲကို မလွမ်းပါဘူး။
တိတ်တိတ်လေး တစ်ယောက်တည်းဆော့ရတဲ့ PSP ရှိတယ်။

ရွံ့ဗွက်ထူထူကြားက အမြဲတန်း တန်းစီနေရတဲ့ သထုံကွင်းကို မလွမ်းပါဘူး။
တိုက်ဘေးနားက ဘယ်သူမှ မရှိတဲ့ Basketball ကွင်းရှိတယ်။

၇နာရီဆို အပြေးအလွှား အလွတ်မခံခဲ့တဲ့ ကိုရီးယားကားကို မလွမ်းပါဘူး။
မကြည့်တချက် ကြည့်တချက် တရုတ်ကား ခပ်ညံ့ညံ့တွေ ရှိတယ်။

လူရွှင်တော်ရွှေဖလားရဲ့ ပါးစပ်မပိတ်ရတဲ့ ဟာသတွေ မလွမ်းပါဘူး။
ရယ်စရာမကောင်းတဲ့ ခပ်ပေါပေါ အစီအစဉ်တွေ ရှိတယ်။

ချစ်သူနဲ့ ပုံမှန်သွားကြည့်တဲ့ သမ္မတရုံကို မလွမ်းပါဘူး။
ဖုန်းသံထွက်လာရင် ၀ိုင်းကြည့်ခံရတဲ့ ရုပ်ရှင်ရုံတွေ ရှိတယ်။

သဘာဝအတိုင်း ခပ်ရိုင်းရိုင်းလှနေတဲ့ သောင်ပြင်ကျယ်ကျယ် ချောင်းသာနဲ့ ငွေဆောင်ကို မလွမ်းပါဘူး။
လူဖန်တီးတဲ့ သောင်ပြင်ကျဉ်းကျဉ်း သဲကြမ်းကြမ်း East Coast နဲ့ West Coast ရှိတယ်။

Merlion = စင်္ကာပူ၏ အထင်ကရ ခြင်္သေခေါင်းနှင့် ငါးကိုယ်ရုပ်ထု၊ ယင်းရုပ်ထုပ်ပေါ်သို့တက်ရောက်ကြည့်ရူ့ ရန် အခကြေးငွေပေးချေရသည်။

1818      = စင်္ကာပူမှာ မြန်မာနိုင်ငံသားများ မိမိနိုင်ငံသို့ခေါ်ဆိုရန် ၀ယ်ယူအသုံးပြုသော ဖုန်းကဒ်။ စင်္ကာပူ ၈ ဒေါ်လာပေးရပြီး ၂၃ မိနစ် ပြောဆိုနိုင်သည်။
အိမ်သူကြီး= စင်္ကပူမှ မြန်မာလူမျိုးများ စုပေါင်းငှားရမ်းနေထိုင်သော အိမ်မှအကြီးအကဲ။
854        = စင်္ကပူမှ bus ကားနံပတ်
MRT      = စင်္ကာပူမှ မြေပေါ်မြေအောက်သွား ရထား၊ ငွေကြိုပေးကဒ်တမျိုးဖြင့် အသုံးပြုစီးနင်းရပြီး ကျသင့်ငွေကို ခရီးကြာမြင့်ချိန် အကွာဝေးဖြင့် စက်မှတွက်ချက်ဖြတ်တောက်သည်။
PSP      = အသေးစား လက်ကိုင်ဂိမ်းစက်၊ စင်္ကာပူနိုင်ငံသားများ ရထားပေါ် ဘက်စ်ကားပေါ်များတွင် အလွန်ကစားကြပြီး အများစုမှာ ဂိမ်းကြောင်နေသူများဖြစ်သည်။
Basketball = စင်္ကာပူမှ ကွန်ဒိုအိမ်ရာများတွင် ကြက်တောင်ကွင်း၊ basketball ကွင်းများခပ်တည်တည်ဖြင့် ထားရှိကြသော်လည်း အားကစားကို အထူးတလည်မည်သူမှ စိတ်ဝင်တစားမကစားကြပေ။
ခပ်ပေါပေါ အစီအစဉ်တွေ = စင်္ကာပူ ရုပ်မြင်သံကြားတွင် အခါအားလျော်စွာ ဟာသ၊ မျက်လှည့်စသော ဖျော်ဖြေရေးအစီအစဉ်များတင်ဆက်ကြသော်လည်း တင်ဆက်မှု့ နှင့် အနုပညာအရည်သွေးမှာ အလွန်ညံဖျင်းသည်။
East Coast နဲ့ West Coast = စင်္ကပူ အစိုးရမှ အတင်းမရမက ဖန်တီးထားသော အပန်းဖြေကမ်းခြေ၊ သဲကြမ်းများဖြင့် အလွန်စိတ်ပျက်ဖွယ်ကောင်းသည်။

သီချင်းရေးတဲ့ ၀ါသနာ

ဘ၀မှာဘာအဖြစ်ချင်ဆုံးလဲ လို့မေးရင်တိကျတဲ့အဖြေရှိပါတယ်။ " သီချင်းရေးဆရာပါ "။ ဒါပေမယ် ဂျီလတ်ဆိုထားတဲ့သီချင်းလိုပေါ့
တစ်ဖက်ကငါ့ရဲ့ဝါသနာ၊ တစ်ဖက်ကငါ့ရဲ့ဝမ်းစာဆိုတော့ အပျော်တမ်း လို့ပဲတံဆိပ်ကပ်ရမှာပေါ့ဗျာ။ အခုကျွန်တော်လွန်ခဲ့တဲ့ ၁၀နှစ်
လောက်က ရေးထားတဲ့သီချင်းလေးပြမလို့ဗျ။ ကိုယ်ပိုင်သံစဉ်ပါ။ ကျွန်တော့ရဲ့ မကောင်းတဲ့အသံကြီးတော့သည်းခံ ပြီးနားထောင်ပေး
ကြပေါ့ဗျာ။
မင်းအတွက်
ရေး/ဆို- ဇေကြီး
မရေရာနိုင်တဲ့အဖြစ်တွေလည်း အဆင်ပြေစေဖို့ကိုယ်ကကြိုးစားမယ် မတူညီနိုင်တယ် အမြင်အတွေးမျိုးရှိရင်လည်း
မင်းအကြိုက်ပဲကိုယ်လိုက်လျောပါ့မယ် အနိုင်ယူချင်တဲ့ မင်းအတွက်လည်း အမြဲတမ်းပဲ ငါအရှုံးပေးထားတယ်
တစ်ခါတစ်လေမှာ ငါလေအရမ်းစိတ်ညစ်ပေမယ့် မင်းလေးနဲ့ဝေးသွားဖို့ မတွေးရဲ
နာကျင်စရာတွေကို ခံနိုင်ရည်ရှိဖို့ ကြိုးစားလို့ တစသက်လုံးပဲငါလက်တွဲသွားမယ်
ရင်ဆိုင်နိုင်တယ် ကြုံကာနေသမျှအခက်အခဲတွေလည်း မင်းလေးအနားမှာအမြဲရှိမယ်
နင်မျှော်လင့်ထားတဲ့ဘ၀အိမ်လေး ခိုင်မာဖို့အတွက်ကိုယ်ကဖြည့်စွက်မယ်
ရင်ခုံသံတွေရယ်အတူတူတစ်သားတည်းဖြစ်ချင်တယ် ငါ့အတွေးလေးဘယ်တော့မင်းသိမလဲ
သီချင်းကိုတော့ဒီနေရာမှာဒေါင်းဗျို့
http://www.4shared.com/audio/9606Xmgh/02_Track_2.html

Sunday, July 25, 2010

ချိုထောင်ကလေး

"ငါးပါးသီလတွင် သူ့အသက်သတ်ခြင်း၊ ခိုးခြင်း၊ လိမ်ပြောခြင်း၊ သူ့သားမယားကို ပြစ်မှားခြင်းတို့မှာ တစ်ပါးသူကို ထိခိုက်သည် . . . အရက်သောက်ခြင်းမှာ ကိုယ့်ဘာသာကိုယ် အရက်ကိုသောက်ပြီး အေးအေးနေလျှင် တစ်ပါးသူကို မထိခိုက်နိုင်ပါလျက် ဘာကြောင့် အရက်ကို ငါးပါးသီလထဲ၌ ထည့်ထားရပါသနည်းဟု" ဒါယကာ တစ်ယောက်က သင်္ဂဇာ ဆရာတော်ကြီးအား မေးလျှောက်သည်. . .
ဆရာတော်ကြီး က "တစ်ခါက အဘိုးကြီးတစ်ယောက်ရှိတယ်. . နွားလည်း ဆယ့်လေးငါးကောင်ရှိတော့ မြေးကလေးက နွားကျောင်းရတယ်. . ညကျလို့ရှိရင် အဘိုးကမြေးကို ငါ့မြေးရ ချိုထောင်လေးကို ချည်ပြီးပြီလား လို့ အမြဲမေးလေ့ရှိသတဲ့ "ညမှာ နွားခြံပိတ်တိုင်း မေးတော့ မြေးလေးက "အဘိုးကလည်း ချိုထောင်ကလေးချည်း မေးနေတာပဲ ချည်ပြီးပါပြီဗျ" လို့ ပြောသတဲ့
ဒီတော့ အဘိုးက ဓဟဲ့ င့ါမြေးရဲ့၊ တခြားနွားတွေက ကိစ္စမရှိဘူး . . အဲဒီ ချိုထောင်ကလေးကို မချည်ရင် သူက တခြားအိပ်နေတဲ့ နွားတွေကို လိုက်လိုက်ပြီးဝှေ့တယ်ကွယ့်. . .ဒီတော့ တခြားနွားတွေ အိပ်ရေး ပျက်တယ်ကွယ့်. . . လို့ပြောသတဲ့ဓ. . ဒီတော့ ဓဒကာကြီးရေ ဘုရားက သူရာမေရိယဆိုတဲ့ မူးယစ်ဆေးဝါး ချိုထောင်ကလေးကို အချည်ခိုင်းရှာတယ်. . . သူ့ကိုလွှတ်ထားလိုက်ရင် သူလိုက်ပြီးဝှေ့တာနဲက တခြားသီလတွေ အိပ်ရေးပျက်မှာပေါ့ ဒကာကြီးရဲ့" လို့ပြောသတဲ့. . .
အရက်ကလေးကို စပြီးသောက်မိပြီဆိုလျှင်. ချိုထောင်ကလေး လွတ်သွားပြီ၊ ချိုထောင်ကလေးက ချိုထောင်ကြီးကို နိုးတော့မည်. . . အရက်မူးလာလျှင် ဆင်ခြင်ညဏ်စွမ်းအား ကျဆင်းလာမည်. . . သည်ထက်ပိုပြီးပျော်ချင်သည်. . . ဆေးခြောက် ..နံပါတ်ဖိုး အစသဖြင့် ချိုထောင်ကြီး နိုးလာပြီ. . . . .
တခြားသီလတွေ ကိုယ်ကျင့်တရားတွေကကို ဝှေ့ပြီ လိမ်ရမလား . . လိမ်မည် . . . ခိုးရမလား ခိုးမည်. . . သတ်ရမလား . . . သတ်မည် သူ တစ်ပါး သားမယားကို ကြံစည်ရမလား . . အိုဘာမဆို အကုန်လုပ်တော့မည်. . .

ထို့ကြောင့် ချိုထောင်ကလေးကို အတတ်နိုင်ဆုံး ရှောင်ရှားနိုင်ကြပါစေ. . . .

အားလုံးကိုချစ်ခင်လေးစားလျှက်...

www.awdlibrary.co.cc မှကူးယူဖော်ပြပါသည်။