ကြက်ဖနဲ့ ငန်း ပုံပြင်

အသိအမှတ်ပြုခံရမှု့နဲ့ ပတ်သတ်ပြီး ပညာပေးထားတဲ့ ပုံပြင်လေးတစ်ခုပါ။ ဆရာဖေမြင့်ရဲ့ တန်ဖိုးထားအပ်သောအရာများ ဆိုတဲ့ စာအုပ်မှာတွေ့ လို့တော်တော်လေး သဘောကျတာနဲ့ တင်ပေးလိုက်တယ်ဗျာ။
လူးနယ်မှ မြို့စားကြီး အိုင်း ထံတွင် တိယင်ဂျောင်းအမည်ရှိ အမှု့ထမ်းတစ်ယောက်ရှိသည်။ တိယင်ဂျောင်းက မထင်မရှားရာထူးလေးမှာ တာဝန်ထမ်းဆောင်နေရတာကြာတော့ စိတ်ပျက်ကာ သူ့သခင် မြို့စားကြီးအား လျှောက်ထားသည်။
                   " ကျွန်တော်မျိုးတော့ တောငန်းဖြူကြီးတွေလို ဟိုးအဝေးကို ပျံပြေးသွားတော့မယ်ခင်ဗျ"
"ဟေ...ဘာဖြစ်လို့တုန်းကွ၊ ရှင်းရှင်းလင်းလင်း ဆိုစမ်းပါဦး" မြို့စားကြီးကမေးသည်။
                    "မြို့စားမင်း ခြံထဲက ကြက်ဖကို မြင်တယ်မလား" တိယင်ဂျောင်းကဆိုသည်။ "သူ့ခေါင်းမှာ ဆောင်းထားတဲ့အမောက်ဟာ ယဉ်ကျေးမှု့ကိုပြတဲ့ အမှတ် သင်္ကေတတစ်ခု ဖြစ်တယ်။ သူ့ရဲ့ခြေထောက်က မာကျောတဲ့ ခြေသည်းနဲ့ အတက်တွေဟာ သူ့ရဲ့ခွန်အားကို ပြသနေတယ်။ ဘယ်ရန်သူကိုမဆို ယှဉ်ခွပ်ဖို့ ၀န်မလေးခြင်းဟာ သူ့ရဲ့ ရဲဝံ့မှု့ကိုဖော်ပြနေတယ်။ အစာရှာတွေ့တဲ့အခါတိုင်း အခြားတစ်ပါးသော ကြက်တွေကို တကွပ်ကွပ်နဲ့ ခေါ်ကျွေးတတ်ခြင်းဟာလည်း သူ့ရဲ့ ရက်ရောသဘောကောင်းမှု့ကို ထင်ဟပ်ပြသနေတယ်။ ညဉ့်ဦးယံကနေ မိုးသောက်ယံအထိ အချိန်မှန်မှန် တွန်ကျူးတတ်ခြင်းကတော့ အမှန်ကိုသာဆိုတတ်တဲ့ သူ့သဘောကို ထင်ရှားအောင်ပြသလို ရှိနေတယ်။ အဲဒီလို ဂုဏ်အရည်အသွေးကောင်း ငါးရပ်နဲ့ ပြည့်စုံပါလျှက် ကြက်ဖတွေဟာ အရှင်မြို့စားမင်းကြီး ပွဲတော်တည်ဖို့အတွက် နေ့စဉ်နဲ့အမျှ သက်ဖြတ်ခံနေရပါတယ်။ ဘာကြောင့် သူတို့ကို တန်ဖိုးမထား အလွယ်တစ်ကူ သတ်စားနေရသလဲ။ အကြောင်းအရင်းက လူနဲ့ လက်လှမ်း တစ်မီမှာရှိနေတဲ့ အတွက်ကြောင့်ပဲ။ သူ့ကိုအမြဲမြင်နေ တွေ့နေရတယ်။ အဲဒီတော့ရိုးသွားတယ်။ သူ့တန်ဖိုးတွေ ဘယ်လိုရှိနေတယ်ဆိုတာ မစဉ်းစားမိတော့ဘူး။ ဟိုး မိုင်ပေါင်းထောင်ချီတဲ့အရပ်က တစ်ခါတစ်လေ နယ်ပြောင်းပယ်ပြောင်း ရောက်ရှိလာတတ်တဲ့ တောငန်းဖြူကြီးတွေကျတော့ ကြက်ဖရဲ့ဂုဏ်အင်္ဂါနဲ့ ပြည့်စုံတာ မဟုတ်ပေမယ့် ရှားပါတယ် တွေ့ရခဲတယ် ဆိုတာတစ်ခုတည်းနဲ့ မြို့စားကြီးက အင်မတန် တန်ဖိုးထားတယ်။ ဥယဉ်ထဲ ရေကန်ထဲမှာ ငါးတွေစား လိပ်တွေစား၊ ကောက်ပင်တွေကိုက်ဖြတ်နဲ့ အမျိူးမျိူးဖျက်စီးပေမဲ့ သူတို့ကို ပြစ်ခတ်သတ်ဖြတ်ခြင်းမရှိ ဒီအတိုင်းအလှကြည့်ထားတယ်။ ဒါကြောင့်မို့ ကျွန်တော်မျိုးလည်း တောငန်းဖြူကြီးများလို ဟိုး ဝေးရာဆီကိုပဲ ပျံသန်းသွားတော့မယ်လို့ ပြောတာပါ" ဆိုပြီး လျှောက်ထားသည်။
                       မှန်သည် နီးလွန်းသောအခါ မမြင်ရဖြစ်တတ်သည်။ တွေ့ဖန်များသောအခါ တန်ဖိုးမရှိဖြစ်တတ်သည်။ ကျွန်တော်တို့ရဲ့ ရှင်သန်နေထိုင်မှု့ နဲ့ပတ်သပ်ပြီး သတိပြုသင့်တဲ့ ပုံပြင်လေးပါ။ ဆင့်ပွား စဉ်းစားတွေးတောနိုင်ကြပါစေဗျာ။